Thursday 10th July 2025

झुप्री भण्डारीको’सम्झी रुनारुना’ सार्वजनिक(भिडियो सहित)


तितोपाटी- बेग्लै र मौलिक पहिचान बोकेर साङ्गीतिक जगतमा उदाएकी झुप्री भण्डारीको पहिलो गीत ‘सम्झी रुनारुना’ सार्वजनिक भएको छ । उक्त गीत आज युट्युबमार्फत् सार्वजनिक गरिएको हो ।

झुप्रीले नेपालको पहिलो रियालिटी शो ‘द भ्वाइस अफ नेपाल’मा आफ्नै मौलिक गीत गाउँदा धेरै दर्शकका आँखा रसाएका थिए । आजसम्म आफ्ना आँखाले उज्यालो र अँध्यारोको महसुस गर्न नपाएकी झुप्रीले आफ्नो जिन्दगीको कथा जस्तै गीत गाउँदै आएकी छन् । आँखा नदेखेकै कारण उनले औपचारिक शिक्षाबाट समेत बन्चित हुनुपर्‍यो तर पनि उनले सुनेको भरमा टपक्कै लय टिपेर आफ्ना पीडालाई गीतमा ढाल्न सक्छिन् । आफ्नो जिन्दगीदेखि वाक्क लागेको र पटक्कै बाँच्न मन नलागेको अभिव्यक्ति उनका गीतमा पाइन्छ । उनका गीतमा आमाले आफूलाई नमारेकामा खुब गुनासो गरेकी छन् । उनका गीतमा प्राय: निराशावादी चिन्तन पाइन्छ ।

आफ्नै जिन्दगीको वास्तविकतालाई गीतमा उतार्ने झुप्रीलाई काठमाडौंसम्म ल्याएर संसारभर चिनाएका स्रष्टा कमल सङ्घर्षले ‘सम्झी रुनारुना’को गीत लेखनमा सघाएका छन् । गीतमा पाण्डव विष्टको लय रहेको छ भने एरेन्ज विनोद बजुरेलीले गरेका हुन् । गीत सडक मिडियाले बजारमा ल्याएको हो । गीतको भिडियो निर्देशन कमल सङ्घर्ष र बरुण रिजालले गरेका छन् ।


सम्बन्धित शीर्षकहरु

तितोपाटी-अखिल नेपाल फुटबल संघ (एन्फा) र महिला फुटबल टिमका प्रमुख प्रशिक्षक प्याट्रिक डे वाइल्डबीच बिबाद झन् बढेको छ । एन्फाले…

तितोपाटी -नेपाल पत्रकार महासंघ वैदेशिक शाखा कुवेतले एक कार्यक्रमको आयोजना गरि नेपाली राजदूतावास कुवेतका प्रथम सचिवद्वय प्रेम राज गौतम र…

मिडिया रिपोर्टका अनुसार, यमनी नागरिकको हत्या गरेको अभियोगमा दोषी ठहरिएकी भारतीय नर्स निमिषा प्रियालाई जुलाई १६ मा मृत्युदण्ड दिइनेछ। गत…

प्रतिकृयाहरू
...