तितोपाटी- बैदेशिक रोजगारीमा विदेश गएका कामदारको लागि विदेश बाट नै श्रम स्वीकृति दिने कार्य अझै अनिश्चित बनेको छ । मन्त्रालय गत समन्वय र अनलाइन सिस्टममा आवश्यक प्राविधिक व्यवस्था गर्न नसक्दा विदेश बाट नै श्रम स्वीकृति दिने कार्यका लागि कामदारहरुले अझै केहि समय कुर्नुपर्ने देखिएको छ।
सरकारले पुन: श्रम स्वीकृति कै लागि नेपाल आउनुपर्ने बाध्यता हटाउनको लागि बैदेशिक रोजगार नियमावलीको पाँचौं संसोधन गर्दै विदेश बाट नै श्रम स्वीकृति दिने व्यवस्था गरेको थियो । विदेशस्थित राजदुतावास र कुटनैतिक नियोगहरु मार्फत नै श्रमिकले रि-इन्ट्रीको ब्यबस्था गर्न सक्नेगरि नियमावली संसोधन गरिएपनि आवश्यक तयारी पुरा हुन सकेको छैन ।
किन ढिलाई
श्रम रोजगार तथा सामाजिक सुरक्षा मन्त्रालयक प्रवक्ता डा। नारायण रेग्मीले बताए । श्रम मन्त्रालयसंग सहकार्य गर्दै श्रम स्वीकृति दिने कार्यका लागि सहजीकरण गर्न सबै राजदुतावास र कुटनैतिक नियोगहरुलाई पत्राचार गरिसकेको परराष्ट्र मन्त्रालयका सहायक प्रवक्ता सुरेश अधिकारीले बताए ।
अनलाइन र भुक्तानीको विषयमा कुरा मिलिनसकेको बैदेशिक रोजगार विभागका निर्देशक भोलानाथ गुरागाईले जानकारी दिए । दुतावासहरुमा सिस्टम कुरा पुगिनसकेको तथा कर्मचारीको व्यवस्था गर्नुपर्ने विषयमा परराष्ट्र मन्त्रालयसंग कुरा भैरहेको उनले बताए। अनलाइन सिस्टमका विचमा लिंक गर्ने काम भैरहेको उनको भनाई छ । विभागले बीमाको रकम र कल्याणकारी कोषको रकम अनलाइन भुक्तानी गर्न मिल्ने प्रणालीको विकास गरिसकेकाले अब धेरै समय कुर्न नपर्ने उहाँको भनाइ छ ।
विभागका अनुसार कल्याणकारी कोषको अनलाइन भुक्तानीको सफल परीक्षण भइसकेको र बीमाको अनलाइन भुक्तानीको लागि केही प्राविधिक कुरा टुँग्याउन मात्रै बाँकी छ ।वैदेशिक रोजगार नियमावलीको पाँचौं संशोधनले विदेशस्थित नेपाली नियोगबाटै पुनः श्रम स्वीकृति लिन सकिने कानुनी व्यवस्था गरेको छ ।एक कामदारले कम्तिमा दुई पटक सम्म विदेशमा नै श्रम स्वीकृति (रि-इन्ट्री) गर्न सक्ने व्यवस्था गरेको छ । आफ्नो भिसा अबधि थपेर विदेसमा थप अवधिसम्म काम गर्नेहरुलाई सहज हुनेछ। यो खबर, साझा सवालमा मनोज पराजुलीले लेखेका छन्।
