Friday 25th July 2025

कुवेतमा ज्यान गुमाएका यामका परिवारलाई निःशुल्क स्वास्थ्य बिमा र शिक्षा प्रदान


तितोपाटी- कुबेत पुगेको ४५ दिनमै ज्यान गुमाएका पाल्पाका याम बहादुर गाहाको परिवारलाई माथागढी गाँउपालिकाले नि:शुल्क बिमा र छोराको पढाइमा सहयोग गर्ने भएको छ । माथागढी ५ हात्तीलुङका ३५ वर्षीय गाहाको यही साउन १५ गते कम्पनीमा काम गरिरहेको बेला मरुभूमिको ढिस्कोले पुरिएर ज्यान गएको स्थानीयले जनाएका छन् ।

याम बहादुरकी श्रीमती पार्बती, ३ वर्षीय छोरा निरजसँगै आफन्तलाई बिहीबार भेटेर गाँउपालिकाका अध्यक्ष सन्तोश थापाले परिवारलाई एक लाख बराबरको नि:शुल्क स्वास्थ्य बिमा र छोरालाई स्नातक तह सम्मको सम्पूर्ण पढाइ खर्च व्यहोर्ने बताएका छन् ।उहाँका साला (श्रीमतीका भाइ) रमन थापाका अनुसार याम बहादुरको शवलाई काठमाण्डौ पशुपति आर्यघाटमा अन्तेष्टी गरिएको छ । बौद्ध परम्परा अनुसार ७ दिने काजकिरिया बुधबार सम्पन्न भएको छ ।

आर्थिक अवस्था निकै कमजोर रहेका यम बहादुरको परिवारलाई स्थानीय सरकारको तर्फबाट गर्न सकिने अन्य सहयोगका बारेमा पनि छलफल भइहेको अध्यक्ष थापाले जानकारी दिएका छन् ।

साभार उज्यालो नेटवर्क


सम्बन्धित शीर्षकहरु

मध्यपूर्वको नम्बर एक खुद्रा विक्रेता लुलु हाइपरमार्केटले अलराई आउटलेटमा जुलाई २३ मा आफ्नो अलराई आउटलेटमा आफ्नो बहुप्रतीक्षित भारतीय आँप महोत्सवको…

निरेमको संरक्षणमा कुवेतमा स्थापित नेपटोन ब्यान्डले आफ्नो पहिलो ओरिजिनल गीत ‘मेरो मुस्कान’ सार्वजनिक गर्ने तयारी पूरा गरेको छ। आगामी २५…

कुवैत सिटी, जुलाई २२ निजी क्षेत्रमा रहेका आप्रवासी कामदारहरूले देश छोड्नु अघि आफ्ना रोजगारदाताहरूबाट बहिर्गमन अनुमति लिनुपर्ने मन्त्रीस्तरीय परिपत्रमा अल-मुजैनीले…

प्रतिकृयाहरू
...