नारी बिना घर संसार चल्छ भनी चलाइ देखाउ ।
दुइटा मुढा चुलोमा राखी जल्छ भनी जलाइ देखाउ ।।
यस्ता मुला घरको काम भनी निकै धाक लगाउँछौ
गोठको मल खेतको माटो गल्छ भनी गलाइ देखाउ ।।
बायाँ हातको खेल हो भन्छौ मेलापात बन जंगल
रुखको घाँस बनको दाउरा ढल्छ भनी ढलाइ देखाउ ।।
कुरै मात्र ठूलो गरि भकारीमा धान त्यसै आउन्न
बारीमा मकै खेतमा धान फल्छ भनी फलाइ देखाउ ।।
न घर चल्छ न बन चल्छ नत तिम्रो जीवन चल्छ
नारी बिना सिंगो जीवन चल्छ भनी चलाइ देखाउ ।।
