६ महिना भन्दा लामो अन्तरिक्ष यात्रा पछि रूसी अन्तरिक्ष यात्रीले पृथ्वीमा अवतरण गरे

नासा टेलिभिजनबाट प्रत्यक्ष प्रशारण गरिएको अवतरणको दृश्यमा तीनै जना यात्रु पृथ्वीमा अवतरण गरेपछि साथीहरुसँग मुस्कुराइरहेका थिए। क्यानाडेली र अमेरिकी अन्तरीक्षयात्री कजाखस्तानबाट मस्को हुँदै स्वदेश फर्किने छन्। तीनै जना अन्तरीक्षयात्री गत डिसेम्बर ३ मा रुसी अन्तरीक्षयान सोयुजबाट अन्तरीक्षतर्फ लागेका थिए। तर गत वर्षकै अक्टोबरमा रुसी अन्तरीक्षयात्री एलेक्सी ओभ्चिनीन र अमेरिकी अन्तरीक्षयात्री निक हेग चढेको यान भने दुर्घटनाग्रस्त भएको थियो। उड्नासाथ दुर्घटना भए पनि सो यानबाट दुवै यात्रीले आपतकालीन अवतरण गरेका थिए।

रुसी अन्तरीक्ष विज्ञानमा सन् १९९० यता यो पहिलो दुर्घटना थियो। ४० वर्षीया अन्तरीक्षयात्री म्याकक्लेनले गरेको ट्विटमा पृथ्वीमा अवतरण गर्नुअघि आफूले अन्तिम पटक अफ्रिकी आकाशमाथिबाट गुज्रेको बताएकी छन्। सन् २०११ देखि रुसले मात्र अन्तरीक्ष केन्द्रमा मानिस पठाएको छ। अमेरिकासमेतका मुलुकले अन्तरीक्ष यात्रा खर्चिलो भएको भन्दै हाल स्थगित गरेका छन्। रुसले हालसम्म सात जना पर्यटकलाई अन्तरीक्ष केन्द्रमा पठाएको छ र सन् २०२१ देखि यसमा वृद्धि गर्ने जनाएको छ।

-एजेन्सी