निक र प्रियंकाले अब मुम्बइमा बिहे पार्टीको आयोजना गर्दैछन् । उनीहरुले आफ्नो बिहेलाई निकै नै गोप्य राख्ने प्रयास गरेका थिए । बलिउड हुँदै हलिउडसम्म अभिनय यात्रा पुर्याएकी ३६ बर्षिया नायिका प्रियंका चोपडाको आफु भन्दा १० बर्ष कम उमेरका हलिउड गायक निक जोनससँग यसै वर्षको शुरुमा इन्गेजमेन्ट भएको थियो।
तितोपाटी – बलिउड ‘देशी गर्ल’ प्रियंका चोपडा विवाहकै कारण चर्चामा आइन । उनले दुई चरण अर्थात क्रिश्चियन र हिन्दु संस्कारमा रहेर अमेरिकी गायक निक जोनससँग भारतको जोधपुरस्थित उम्मैद भवनमा लगनगाँठो कसिन् । विवाह पश्चात मंगलबार बेलुका प्रियंका चोपडा र निक जोनसको दिल्लीमा भएको रिसेप्शन पार्टीमा प्रधानमन्त्री नरेन्द्र मोदी खास अतिथी बनेर पुगे ।राज घराना शैलीमा सम्पन्न उक्त विवाहको रिसेप्सनमा पुगेका प्रधानमन्त्री मोदीले बधाइ दिंदै प्रियंका र निकसँग तस्बिर पनि खिचाएका थिए ।
सो अवसरमा प्रधानमन्त्री मोदीले प्रियंकाको परिवारसँग पनि भेटघाट गरेका थिए । बिहे अगाडि नै प्रियंका मोदीलाई बिहेको निम्तो दिन पुगेकी थिइन् । यसअघि मोदीले नायिका अनुष्का शर्मा र क्रिकेटर विराट कोहलीको बिहे पार्टीमा पनि सहभागीता जनाएका थिए । यसपछि उनी बलिउडकी अर्की नायिकाको बिहे पार्टीमा पुगेका हुन् ।
प्रियंका चोपडा र निक जोनसले मंगलवार दिल्लीमा पहिलो रिसेप्शन पार्टी दिएका थिए । प्रियंका र निकको विवाह २ रीतिले गरिएको थियो ।एक हिन्दु रीत र अर्को क्रिश्चीयन रीत, क्रिश्चीयन रीतबाट गरिएको विवाहको रिसेप्शनमा सबैभन्दा पहिले प्रियंका र निकको आमाहरुले आफ्नो भनाइ राखेका थिए त्यसपछि परम्परागत गीतमा नाचेका थिए । नाचपछि क्रिश्चीयन चलनअनुसार जोडीले केक काटेका थिए ।
