नेपाली कांग्रेसको संस्थापनइतर समूहले आफ्नै ढंगले १५औँ महाधिवेशन प्रक्रिया अघि बढाउने निर्णय गरेको छ। पूर्वसभापति शेरबहादुर देउवाको निवास महाराजगन्जमा सोमबार बसेको बैठकले यस्तो निर्णय गरेको हो।
संस्थापन पक्षले तय गरेको महाधिवेशन प्रक्रियामा सहभागी हुन नसकिने निष्कर्ष निकाल्दै इतर समूहले वैकल्पिक रूपमा अघि बढ्ने जनाएको छ।
समूहले आफूहरू पदका लागि नभई पार्टी जोगाउने अभियानमा रहेको बताउँदै उमाकान्त चौधरीले यसअघि प्रस्ताव गरेको महाधिवेशन कार्यतालिकालाई अगाडि बढाउने निर्णय गरेको छ।
