गजल

गजल
सबैमा छाओस् खुसीको लहर,यो साल दशैँमा ।
कसैको लागि नबनोस् कहर , यो साल दशैँमा ।।

पुकारौं दुर्गा मातालाई हामी ,सबैजना मिलेर ।
भक्तिले पूजा गरौं हर प्रहर , यो साल दशैँमा ।।

परदेशिएका सबै दाजु भाइ , दिदी र बहिनी ।
आऊ गरौं पूरा मनका रहर ,यो साल दशैँमा ।।

सद्बुद्धि देऊ हे दुर्गा माता,हाम्रा यी नेतालाई ।
विकास गर्न हर गाउँ शहर , यो साल दशैँमा ।।

संहार गरि देऊ हे देवी अब , दुष्ट र पापीको ।
मिल्काइ देऊ समाजका जहर,यो साल दशैँमा ।।

नपारून् कुनै बाधा अड्चन , प्रकृतिले पनि ।
नबढुन् कुनै खोला र नहर , यो साल दशैँमा ।।

कमला न्याैपाने, झापा

हाल – भक्तपुर