तितोपाटी – सुनसरीको हरिनगर गाउँपालिका–६ स्थित महरम चोकमा गोली प्रहार गरेर १८ वर्षीया किशोरीको हत्या भएको छ।सोमबार बिहान साढे २ बजेतिर अरसी खातुनमाथि गोली प्रहार भएको हो ।
प्रारम्भिक अनुसन्धानबाट आरोपी भारतीय नागरिक भिनाजु नाता पर्ने अजाद मियाँ जटले गोली प्रहार गरेको थाहा भएको जिल्ला प्रहरी कार्यालय सुनसरीका डीएसपी योगराज खतिवडाले बताए । मृतक किशोरीको टाउकोमा गोली लागेको छ । घटनास्थलमा सानो पेस्तोलमा लाग्ने नपड्केको गोली भेटिएको डीएसपी खतिवडाले जानकारी दिए । गोली प्रहारमा संलग्न आरोपी २९ वर्षीय जट फरार छन् भने उनको खोजी कार्य तिब्र रुपमा चलिरहेको प्रहरीले जनाएको छ । किशोरीको शव पोस्टमर्टमका लागि विपी कोइराला स्वास्थ्य विज्ञान प्रतिष्ठान धरान पठाइएको छ।
