तेस्रो ग्लोबल एआई शिखर सम्मेलन साउदी अरेबियाले आयोजना गर्ने भएको छ । साउदी डाटा र आर्टिफिसियल इन्टेलिजेन्स अथोरिटी (एसडीएआईए) द्वारा साउदी अरेबियाको रियादमा आगामी सेप्टेम्बर १० देखि १२ सम्म सो सम्मेलन आयोजना हुँदैछ । सम्मेलनमा एक सय देशका ३०० बढी विशेषज्ञ र निर्णयकर्ताहरूको सहभागिता रहने छ ।
शिखर सम्मेलनले आर्टिफिसियल इन्टेलिजेन्स (एआई) टेक्नोलोजीको क्षेत्रमा विश्वव्यापी अनुभवहरूको समीक्षा गर्नेछ । उक्त सम्मेलनमा द्रुत रूपमा विकसित भइरहेको आर्टिफिसियल इन्टेलिजेन्स (एआई) टेक्नोलोजीहरू र यसको प्रभावलाई कसरी रणनीतिक रुपमा संचालन, उत्पादन र मापनका विषयमा केन्द्रित रहने छ ।
