१.
विश्वासको दियो जलाई धाएर मत दिएका,
नदेखुँ भनि गरिबका घरमा आँसु पिएका ।
२.
कृषिप्रधान देशमा हेर! बाहिरबाट खाधान्न भर,
जनशक्ति देशका पलायन भए सम्पूर्ण युवा नर ।
३.
संकल्पहरू रक्षा स्थिरता समृद्धि र नागरिक हक,
पूरा गर्ने अनेक आधार नमानी संकोच कुनै धक ।
४.
शिक्षा स्वास्थ्य नि:शुल्क समस्या समाधान सेवा दिगो ,
प्रभावकारी अनुगमन योजना मर्मत बिगो ।
५.
उच्च शिक्षा रोजगारीसँग जोड्दै सिक्दै कमाउँदै गर्ने विकास ,
कुरीति हिंसा असमानता अन्त्य आर्थिक र सामाजिक निकास ।
६.
भ्रष्टाचार नियन्त्रण सु- संस्कृत पारदर्शिता र सुशासन ,
सूचना प्रविधिमा जनताको पहुँच उर्जा प्रवाह आशन ।
७.
छलफल बहस परामर्श हुनेमा विश्वस्त हुनु पर्छ भनि,
चुनावले ल्याउने आस छ जनतामा परदेश नै गए पनि ।
✍️ जमुना आचार्य
सिन्धुपाल्चोक
