“आफ्नै परिचय”
१
कहिले झिल्काकार भईयो कहिले टुक्काकार
प्रधानाध्यापक काम गर्थेँ आफैँ चौकिदार ।
२
जिल्ला धाउनु पर्थ्यो निःशुल्क भारी बोकेर
दुइ छाक टर्थ्यो प्राय जस्तो रोटी टोकेर ।
३
कहिले काव्यकार भईयो कहिले कथाकार
आफैँ प्र. अ. आफैँ घण्टी ठोक्ने चौकिदार ।
४
गाई भैँसी टन्नै थिए बोक्थेँ घाँसका भारी
कहिले गोड्थेँ आलु मकै कहिले जोत्थेँ बारी ।
५
साथी हुन्थे कहिले असई कहिले हवल्दार
बिद्यार्थीलाई पढाउँदै हुन्थेँ चौकिदार ।
६
फोहर पनि सोहर्नु पर्ने सफा राख्नु पर्ने
आफैँ लागि पर्थेँ अरू सहयोग गर्ने ।
७
एउटा मिल्ने साथी थियो पुलिस ठानेदार
सदरमुकाम सँगै जान्थ्यौँ हुँदै चौकिदार ।
८
साथीसँगी मेलापात अर्म पर्म गर्थ्यौँ
विद्यालय विकास गर्न सबै लागी पर्थ्यौ ।
९
गाउँ ठाउँका विद्यार्थी ती साह्रै इमान्दार
सबै शिक्षक मिल्थ्यौँ हामी सबै चौकिदार ।
– गुणनिधि घिमिरे
श्री चन्द्रेश्वर मा.वि. खान्द्रोङ्ग पाँचथर
हाल-अमेरिका
