कुवेतका लागि नेपाली राजदूत र कुवेतका सहायक विदेशमन्त्री वलीद अल खुबैज़ी भेटवार्ता सम्पन्न

कुवेतका लागि नेपाली राजदूत  दुर्गाप्रसाद भण्डारी र  कुवेत सरकार, परराष्ट्र मन्त्रालयका Assistant Foreign Minister for Asia Affairs His Excellency Waleed Al-Khubaizi बीच आज स्थानीय परराष्ट्र मन्त्रालयमा शिष्टाचार भेटवार्ता भएको छ  । भेटका अवसरमा उहाँहरू बीच नेपाल र कुवेतबीचको द्विपक्षीय सम्बन्ध एवं  आपसी हितसँग सम्बन्धित विषय विशेषतः उच्चस्तरीय भेटघाट, सहयोगात्मक सम्बन्धको थप विकास र विस्तार, नेपालीहरूको रोजगारीका अवसर लगायत नेपाल र कुवेत बीच कूटनीतिक सम्बन्ध स्थापनाको पचासौं वार्षिकोत्सवसँग सम्बन्धित विषयमा कुराकानी भएको नेपाली दुताबास कुबेतको आधिकारिक फेशबुकबाट जानकारी गराएको छ ।
सो भेटवार्ताका  अवसरमा कुवेत सरकार परराष्ट्र मन्त्रालय तथा नेपाली राजदूतावास, कुवेतका अधिकारीहरुको समेत उपस्थिति रहेको थियो ।