भारतका ‘डिस्को किङ’ले प्रख्यात गायक एवं संगीतकार बप्पी लहरीको मंगलबार राति मुम्बईको जुहूस्थित क्रिटी केयर अस्पतालमा निधन भएको छ । ६९ वर्षका लहरी विगत लामो समय देखि बिरामी परेका थिए । सोमबार मात्रै एक महिना अस्पतालमा उपचार गराएर घर फर्किएका उनलाई पुन: समस्या भएपछि अस्पताल लगिएको थियो ।
सत्तरी र असीको दशकमा धेरै लोकप्रिय गीतहरुको कम्पोज गरेका उनी ‘सिक्रोनाइज डिस्को’ संगीतका लागि चिनिन्थे भने उनलाइ बप्पी लहरी भन्दा पनि “बप्पी दा” भनेर सबैले चिन्दथे ।
उनको लोकप्रिय गीतमा चलते-चलते, डिस्को डान्सर, सराबी कि धूम आदी रहेका छन् । सुनको गरगहना लगाउन निकै सोख रहेको थियो । बप्पीले बलिउडमा मात्रै नभइ हलिउडका फिल्ममा पनि संगित दिएका छन् । बलिउडको संगितलाई डिजिटल बनाउनमा उनको ठूलो योगदान रहेको छ ।
बप्पीले सन् २०१४ देखि राजनीतिमा संलग्न भएका उनी २०१४ मै बीजेपीबाट लोकसभाको उम्मेदवार पनि भए पनि निर्वाचनमा पराजित भएका थिए ।
