कुवेत सरकारले यात्राबाट फर्केकाहरू सबैले १० दिन होम क्वारेन्टिन बस्नु पर्ने निर्णय गरेको छ । हिजो सोमबार बसेको मन्त्रिपरिषद्को बैठकले आगामी आइतबार २६ डिसेम्बरदेखि लागु हुने गरि सो निर्णय गरेको हो । मन्त्रिपरिषद् बैठकले नोवेल कोरोना भाइरस (कोभिड–१९) विरुद्धको खोप ९ महिनाअघि लगाएकाहरूलाई जनवरी २ तारिखसम्म तेस्रो शट लगाउने निर्णय पनि गरेको छ ।
मन्त्रीपरिषदको निर्णय अनुसार कुवेत भित्रिएको ७२ घण्टा पछि दोश्रो पटक पीसीआर परीक्षण गर्दा रिपोर्ट नेगेटिभ आएमा भने क्वारेन्टिन बस्नु पर्ने छैन । त्यसै गरि यात्रुहरूले पहिले तोकिएको ७२ घण्टाको सट्टा आगमनको ४८ घण्टा अगाडि गरिएको नेगेटिभ पीसीआर परीक्षण गर्नुपर्नेछ, सरकारी सञ्चार केन्द्रले ट्विटरमा भन्यो। मन्त्रिपरिषद्ले मानिसहरूलाई अत्यावश्यक बाहेक यात्रा नगर्न र सबै स्वास्थ्य दिशानिर्देशहरू र सावधानीहरूको पालना गर्न सल्लाह दिएको छ।
मन्त्रिपरिषद्ले आइतबार, जनवरी २ लाई एक दिन बिदाको रूपमा पनि अनुमोदन गरेको छ, जसमा सरकारी विभागहरूमा शनिबार, जनवरी १ को विकल्पको रूपमा बन्द रहनेछ।
