तीतोपाटी – साउदी अरबको स्वास्थ्य मन्त्रालयले बुधबार उत्तर अफ्रिकी देशबाट आएका एक साउदी नागरिकमा कोभिड-१९ को ओमिक्रोन भेरियन्ट भेटिएको जनाएको छ।
मन्त्रालयले भनेको छ संक्रमित नागरिक र उनीसंग नजिकको सम्पर्कमा रहेकाहरूलाई सम्बन्धित स्वास्थ्य प्रक्रियाहरू अबलम्बन गरी अलग्गै राखिएको छ।
साउदी अरबको स्वास्थ्य मन्त्रालयले कोभिड बिरुद्दको खोपलाई निरन्तरता दिदै सावधानीका उपायहरू, रोकथामका उपायहरू र स्वीकृत गरिएका स्वास्थ्य मापदन्डहरु पालना गर्न सबैलाई अनुरोध गरेको छ।
साउदी अरेबियाले गत आइतबारदेखी मलावी, जाम्बिया, मेडागास्कर, अंगोला, सेशेल्स, मौरिसस र कोमोरोसबाट आउने र त्यहा जाने उडानहरू रद्द गरेको छ।
फोटो साभारः अरब टाइम्स
