१
मृग
नाच्ने वनैमा
डाँफे मयुर कस्तुरी ।
हानाहान
मुक्का राजनीती
गाईजात्रा गणतन्त्र प्रजातन्त्र ।
झरना
बग्ने पानीको
नदी ताल समुन्द्र ।
✍️ बिन्दु पौडेल, दाङ
२
ताल
कमलको अभ्युदय
भ्यागुताको प्रजनन स्थल ।
कमल
ब्रह्माजीको अवतरण
सुन्दर प्रतिविम्व तालमा ।
रक्षाबन्धन
वैदिक मिलन
रोग भय हरण ।
✍️ कमला देवकोटा, पाल्पा
३
मुटु
सानो छिद्र
असह्य मनको पीडा ।
अनुभव
सुखदुःखको रूप
हृदयको भित्री कुना ।
खुसी
शिशुको जन्म
दिनदिनमा गरिने कर्म ।
✍️ सवतिा के.सी., काठमाडौँ
४
खोला
कुलो खेत
हुन्छ किसानको भेट ।
फूल
शान्तिको प्रतीक
सुन्दर जीवनको मूल ।
सगरमाथा
नेपालको शान
पर्यटनको आगमन क्षेत्र ।
✍️ अनुग्रह राना मगर ‘पुष्पु’
संखुवासभा हालः मलेसिया
५
निरास
कप्तान टाइटानिकको
अन्त बाँच्ने आशाको ।
चाहना
नव शक्तिको
युवा जोश जाँगरको ।
जागेका
युवा जमात
जुटाउँन सहयोगी हात ।
✍️ टीकाराम जोशी, कैलाली
६
बाग्लुङ
सानो नेपाल
झोलुङ्गे पुलको जिल्ला ।
आँशु
जिउने आधार
दुःखको असल साथी ।
हावा
अनुपम शीतलता
नरोकिने अदृश्य वाणी ।
✍️ कमल जि.सी. रामु,बाग्लुङ, हालः युएई
७
परम्परा
क्वाँटी पर्व
मनाउँ हामी सहर्ष ।
राखी
आयातित चलन
अब हाम्रो धड्कन ।
सनातन
धर्महरू मध्ये
ऋषितर्पणी समेत ।
✍️ मधुसुदन प्रसाद घिमिरे, काठमाडौँ
८
साहित्यकार
मानव मन
सबै उसको परिवार ।
साधना
पक्कै सम्झनु
युगौं बाँच्ने चाहना ।
लालीगुराँस
नेपालीहरू खाडीमा
एक्लै सम्झेर निरास ।
✍️ खगेन्द्र बस्याल, रुपन्देही
९
हिमाल
प्राकृतिक सम्पदा
आहा! सुन्दर नेपाल ।
आवश्यकता
असीमित तत्व
चोखो हृदय मानवता ।
माया
सर्वस्व दान
लैला मजनुको विधान ।
✍️ बादल गुरुङ ‘वियोगी’, कपन, काठमाडौँ
१०
पल्लवित
दक्षिणपन्थी नायक
जनताको संविधानमाथि घात ।
गणतन्त्र
जनताको नासो
नेतृत्वले बनायो पासो ।
गाईजात्रा
दलिय नेतृत्व
देशको समृद्दिमा बाधक ।
✍️ नारायणप्रसाद उपाध्याय, कैलाली
