समसामयिक टुक्काहरु
१/
पाइला साह्रै अप्ठेरो विषय थियो गहन,
संघर्ष गर्दै गए पछि बल्ल भयो सक्षम।
२/
लगाएको त्यो रहस्यमय खालको पगरी,
के को नखरा भन्दै अचम्भित थिए नगरी।
३/
जसरी नि पुग्नुपर्छ साँझ सम्म देउराली,
थकाइ थाती राखी साहसको कदम चाली ।
४/
पालै पाउन मुश्किल छ जानु थियो पँधेरो,
कठै ! घर फर्कदा जहिल्यै भएको अँधेरो ।
५/
चुस्त दुरुस्त भेटेको थिएँ त्यो साथी विहान,
आश्चर्य छिमेकीले भने छिट्टै आऊ चिहान ।
६/
उन्मुलन हुनै लाग्दा कुण्ठित भो सदाचार,
अनुसन्धानले पाइनेछ स्फूर्तिको आकार।
७/
भुत्ते खुकुरी भन्दा डर मान्नुपर्छ कर्दको ,
फुच्चे किन नहोस् अचानो अभ्यस्त छ दर्दको।
८/
देशले मलाइ के दियो र? भन्दिन म कैले,
भन्नु अघि सोचौँ देशलाई के के दिएँ मैले।
९/
समुहको एकै बोली त्यसैमा थियो तागत,
घरकी मुर्गी दाल होकि सोच्ने उस्को आदत।
१०/
अन्यायले हदै नाघ्यो भन्दै हिड्छ बदचलन्,
गहिराइ नतौलिइ गलत थियो आकलन्।
शर्मिला श्रेष्ठ,ललितपुर
हाल अमेरिका
