कविता
आहा कति सौन्दर्य तर ..!
आहा कति सौन्दर्य तर छ अजम्बरी चाहिंदो
तर के गर्नु टुलुटुलु..
गहना छ यहाँको नदी,खोला र नाला
तर के गर्नु धेरै क्षति भयो यसै पाला,
यहाँ बस्ती भिर पहरा मुनीको गाउँ
अनि खोला नदी र किनाराका ठाउँ।
आहा कति सौन्दर्य तर ..!
थकाइ दिनभरको कुटो कोदालोको थियो
मिठो पिठोले पेट भरेको निंद थियो,
बाढी र पहिरोले लिएछ ज्यान
यथा समयमा हाम्रो भएन ध्यान ।
आहा कति सौन्दर्य तर ..!
उजाड भए बस्ती र घरबार
पीडित भए यसरी बारम्बार
मिठा मिठा कति सपना थिए
भयो चकनाचुर सयौंले विदा लिए
आहा कति सौन्दर्य तर..!
रचनाकार :-बि.आर.उप्रेती बारा, नेपाल
फोटो-सिन्धुपाल्चोकको मेलम्ची बढीले ध्वस्त पारेको हेलम्बु-चनौटे बजार
