तितोपाटी- विश्वकप तथा एसियन कप फुटबल छनोटअन्तर्गत आज राति नेपाल र अस्ट्रेलियबीच खेल हुँदै छ । कुवेतको समयअनुसार आज राति ७ बजे देखी खेल सुरु हुने छ । कुवेतमा जारी प्रतियोगितामा नेपालले एक खेल जितेको छ भने एक खेलमा पराजय व्यहोरेको छ ।
बलियो मानिएको अस्ट्रेलियाविरुद्ध उत्कृष्ट खेल प्रदर्शन गर्ने योजनामा नेपाली फुटबल टोलिको छ । नेपालका मुख्य प्रशिक्षक अब्दुल्लाह अलमुताइरीले नेपालको खेल्ने शैली सुधार भएको र अस्ट्रेलियाविरुद्ध राम्रो खेल्ने जनाएका छन् । समूह चरणका ६ खेलमा शतप्रतिशत जित निकालेको अस्ट्रेलियाले १८ अंक जोडेको छ । आज नेपाललाई पराजित गरे अस्ट्रेलिया विश्वकप छनोटको अर्को चरणमा प्रवेश गर्ने छ । यता ६ अंक जोडेको नेपाल भने विश्वकप छनोटमा अघि बढ्ने सम्भावना नरहे पनि एसियन कप छनोटको अर्को चरणमा प्रवेश गर्ने प्रयासमा हुने छ ।
