Tuesday 25th February 2025

७ महिनामा नेपालको वैदेशिक व्यापार घाटा ७ खर्ब माथि


चालू आर्थिक वर्षको ७ महिना (साउन–माघ) मा नेपालको निर्यात बृद्धिदर ७.६ प्रतिशतमा सिमित भएको छ । नेपाल राष्ट्र बैंकका अनुसार चालू आर्थिक वर्षको ७ महिनामा कुल निर्यात ७.६ प्रतिशतले वृद्धि भई कुल ६९ अर्ब ९२ करोड रुपैयाँ पुगेको हो ।

जब कि अघिल्लो वर्षको सोही अवधिमा यस्तो निर्यात २२.४ प्रतिशतले बृद्धि भएको थियो । गत वर्षको तुलनामा यस वर्षको निर्यात वृद्धिदरमा अधिकतम १६.८ प्रतिशतले संकुचन आएको हो । बैंकका अनुसार सो अवधिमा वैदेशिक व्यापार निर्यात गन्तव्यका आधारमा भारततर्फ १० प्रतिशतले र अन्य मुलुकहरुमा ४.९ प्रतिशले निर्यात वृद्धि भएको छ । तर, यता चीन तर्फ भने यो समयमा ४७.७ प्रतिशतले नै निर्यात घटेको बैंकको भनाई छ ।

यता, आयाततर्फ भने गत वर्षको तुलनामा चालू आर्थिक वर्षको ७ महिनामा करिब स्थिर जस्तै रहेको बैंकले जनाएको छ । गत वर्ष ३.६ प्रतिशतले आयात घट्दा यस वर्ष ०.०१ प्रतिशतले मात्र वृद्धि भई रु ८०३ अर्ब ६४ करोड सामान आयात भएका छन् । राष्ट्र बैंकको तथ्याङ्कलाई हेर्दा चालू आर्थिक वर्षको ७ महिनाको व्यापार घाटा ७३३ अर्ब ३१ करोड रहेको देखिन्छ ।

-रातोपाटीबाट


सम्बन्धित शीर्षकहरु

नयाँ दिल्ली: भारतको सत्तारुढ हिन्दू-राष्ट्रवादी पार्टीकी एक सदस्यले दिल्लीको मुख्यमन्त्रीको रूपमा बिहीबार शपथ ग्रहण गरेकी छिन्। चुनावमा पराजित भएपछि दशकौंपछि…

चुम्बकीय उत्तरी ध्रुव आधिकारिक रूपमा क्यानडाबाट टाढा र साइबेरियातिर आफ्नो गतिशीलता जारी राख्दै आफ्नो स्थान परिवर्तन गरेको छ। यस घटनाले…

हमासले शिरी बिबासको अवशेष इजरायललाई नभई गाजाकी एक महिलाको अवशेष हस्तान्तरण गरेको खुलासा भएपछि "हमासले सम्झौता उल्लङ्घनको पूर्ण मूल्य चुकाउनेछ,"…

प्रतिकृयाहरू
...