तितोपाटी- बेलायतबाट फर्केका दुई कुवेती महिलामा नयाँ कोरोनाभाइरस भेरिएन्ट संक्रमित पुष्टि भएको कुवेतस्थित स्वास्थ्य मन्त्रालयले जानकारी गराएको छ।
उक्त संक्रमित महिलाले बेलायतबाट कुवेत प्रस्थान गर्नुअघी पीसीआर परीक्षण गरेका थिए जस्ले संक्रमित नभएको अर्थात, रेपोर्ट नेगेटिभ आएको थियो। तर कुवेत अन्तर्राष्ट्रिय विमानस्थलमा आइपुगेपछि गरिएको अर्को पीसीआर परीक्षणमा उनीहरुको रेपोर्टमा कोभिडको नयाँ रुप- कोभिड-१९ भेरिएन्ट, संक्रमित भएको कुरा मन्त्रालयका प्रवक्ता डा अब्दुल्ला अल सनदले कुवेत न्यूज एजेन्सीलाई जानकारी दिएका हुन।
अल सनदले भने, संक्रमित उक्त दुई जनालाई क्वारेन्टाइनमा राखी परीक्षण गरिएको थियो उक्त रिपोर्टमा उनीहरूलाई भेरिएन्ट संक्रमित भएको हो। विश्वका केही देशहरूले नयाँ कोरोनाभाइरस भेरिएन्टको भाइरस रोक्नको लागि थप उपायहरू लिइरहेका छन।
साथै कुवेत स्वास्थ्य मन्त्रालयले तत्काल ती दुई संक्रमितलाई सुरक्षा स्थानमा सारेको र उनीहरूलाई क्वारेन्टाइनमा राख्ने जस्ता सबै आवश्यक कदमहरू चालेको छ। मन्त्री सनदले जनतालाई कडा स्वास्थ्य सावधानी अपनाउन, विशेष गरी फेस मास्क लगाउने, हात धुने र भिडभाड बाट टाढा रहन आग्रह गरेका छन।
