तीतोपाटी – रुकुम पश्चिममा जन्ती बोकेको जीप दुर्घटना हुँदा पाँचजनाको मृत्यु भएको छ। आठवीसकोट नगरपालिका–८, घारीखोलाबाट जन्ती लिएर फर्कदै गरेको रा१ज ५८९ नम्बरको जीप शुक्रबार बेलुकी साढे ८ बजे दुर्घटना हुँदा चारजनाको घटनास्थलमा र एकजनाको उपचारका लागि अस्पताल लिँदै गर्दा बाटोमा मृत्यु भएको हो।
आठवीसकोट नगरपालिका–८ का ५१ वर्षीय कलीभान नेपाली, सोही गाउँका ४८ वर्षीय आइते चनारा, ५१ वर्षीय गोरे नेपाली र ६६ वर्षीय सार्के नेपालीको घटनास्थल मृत्यु भएको प्रहरीले जनाएको छ। ५८ वर्षीय लालबहादुर नेपालीको भने उपचारका लागि नेपालगन्ज लिँदै गर्दा बाटोमा मृत्यु भएको रुकुम पश्चिम प्रहरीले जनाएको छ ।
जीप चिप्लिएर दुर्घटना भएको बताइएको छ। जीप सडकबाट करिब एक सय मिटर तल खसेको स्थानीयहरुले बताएका छन्।
