१
मेरो बा आमाको आँखामा संसार देखेको छु ।
बा,आमा मै देवीदेवता को झल्को भेटेको छु ।
म धेरै भाग्यमानी ठान्छु आफुलाई किनकी
बा आमाको साथ तिर्थको तिर्सना मेटेको छु ।
२
किन समाज मा अरुलाई नै होचो देख्छन् ।
मैंले बराबर देख्छु मलाई नै सोझो देख्छन् ।
हेराइ फरक हो कि साँघुरो मानसिकता हो
जो छ होचो उसको मुखमा नै घोचो देख्छन् ।
३
जिवनको गोरेटो मा साथी सधैं माथि हुन्छ ।
साँच्चिकैको जाती मात्रै मन पर्ने साथी हुन्छ ।
मेरो सुखमा खुसी हुँदै दुःखमा हात समाउने
यस्तै साथीहरु सम्झेर हात्ती जत्रो छाती हुन्छ ।
४
मिल्ने भए कोरोना को कान निमोठि दिन्थें ।
शर्म को ठाउँमा मर्म हुनेगरी चिमोटि दिन्थें ।
तातो बगरको ढुङ्गामा पापी कोरोना लाइ
चन्दन सरि बनाएर यस्को जिउ घोटि दिन्थें ।
