के गर्यो?
-राम भण्डारी
मुटु थर्काउने,छिन्-छिन् मै कोहोलो,धर्ती हल्लाउने गरी ।
जान्थे-आउँथे पहाड छिचोल्दै छितिज पारीनिर्धक्क चरा सरी ।।
कहाँ गयो सब यो हामी बिच खालि यादमात्रै रहिरह्यो ।
बर्षाको भेल झैं आइरहने आज कल्पना मै बगिरह्यो ।।
नामै लिन मन छैन यो बर्बादीको,हेर्दाहेर्दै बिमानघाट सुनसान छ ।
हूलका हूल, गन्तव्य पुग्न विमान फेर्दाफेर्दै हुन्थे,अहिले पुरै शान्त छ ।।
सबै सबै कल्पना जस्तो लाग्दैछ देखेको आफ्नै आँखाले ।
कसरी सम्झाउँ म? अन्योलमा छु आफैंले भोगेको नाताले ।।
आज भोली पर डाँडाबाट बत्तीको उज्यालो जमिनमा परेको ।
मन खुशीले रमाउछ बिमानघाटमा धेरै पछि बिसान हुँदै गरेको ।।
खुसी हुँदै एक आपसमा भन्यौं उ हेर त प्लेन आयो नि ।
अँ हो त हिँजो बिहान पनि एउटा औषधि लिन गयो नि ।।
दैनिकी यस्तै यस्तै चल्दै छ पुरानै अवस्थामा फर्किने आशामा ।
शान्त, स्वच्छ, सुन्दर अनि सबै हाँसी खुशी हुने अभिलाषामा ।।
जुटेर परदेशी पनि काँधमा काँध मिलाइ प्यारो माटोमा ।
हिडौं अनन्त यात्रा सन्ततिको लागि देश बिकासको बाटोमा ।।
