“तिम्रै साथ”
-राम भण्डारी
जिउन पाए तिम्रो साथ सयौं जुनी जिइदिन्छु ।
तिम्रो रुप अमृत सरि प्याला बनाई पिईदिन्छु ।।
देखें मैले जहिले तिमीलाई उडिगयो चैन ।
आफ्नै भन्ने खाँए कसम मैले भुलेको छैन ।।
डुब्ने गर्छु यादमा हरदम बस्छु टोलाइ म ।
मुटु छुने तिम्रो हेराइ अनि जादु बोलाइमा ।।
सयौं फूल फूलबारीको तिमी मेरो रोजाईमा ।
तिमी छौ र त म छु जिन्दगीको भोगाईमा ।।
जहिले पनि आउने तिमी मिठो सपनीमा ।
धेरै कुरा भन्नु थियो भोलि भेटूँ बिपनीमा ।।
जब हुन्छु तिम्रो साथ संसार भुलिदिन्छु ।
फूल्न देउ मन भित्र निरन्तर फुलिदिन्छु ।।
ईश्वरीय सृष्टि तिमी प्रकृतिको उपहार हौ ।
उजाड जिन्दगीमा तिमी बसन्त बहार हौ ।।
यो जुनिमा सँगै भई अर्को जुनी पाईने भए ।
तिमीलाइ रोज्छु मत पुनः रोज्न पाउने भए ।।
