तोयानाथ उपेक्षित, कुवेतमा कोरोनाको संक्रमण दिनहु बढ्न थाले पछि यहाँको सरकारले पूर्ण रुपमा लक डाउन गर्ने घोषणा गरेको छ । आईतवार अर्थात मई महिनाको १० तारिक अपरान्ह ४ बजे बाट शुरु हुने लक डाउन मइ ३० तारिक समाप्त हुने छ ।
फेब्रवरी २४ मा तीन जनामा देखिएको कोरोनाको संक्रमण हाल ७२०८ जनामा देखिएको छ । आजै मात्र संक्रमितको संख्या हाल सम्मकै धेरै ६४१ जनामा देखिए पछि आपतकालिन घोषणा कुवेत सरकारले गरेको हो । सरकारका प्रबत्ता तारिक अल मुजारम ले उक्त कुराको घोषणा गरेका हुन । विस्तृत विवरण केही बेर पछि पत्रकार सम्मेलन मार्फत दिईने भनिएको छ । एक प्रकारले कुवेत २ महिनाबाट नै लक डाउनमा छ भने जीलिप र माहाबुल्ला क्षेत्रलाई आईसोलेट गरिएको आज एक महिना नाघेको छ । अब हुने लक डाउनलाई कफर्युका रुपमा हुन सक्ने अनुमान गरिन्दैछ ।
कोरोनाका का कारण कुवेतमा हाल सम्म ४७ जनाले ज्यान गुमाईसकेका छन । नेपालीहरु कति संक्रमित भए भन्ने आधिकारीक तथ्यांक आएको छैन तर एक अनुमान अनुसार सो संख्या १०० भन्दा धेरै हुन सक्ने बताईएको छ ।
