बागलुङमा पहिरोको कहर, १० जनाको मृत्यु

अविरल वर्षापछि आएको पहिरोका कारण बागलुङमा पछिल्लो दुई दिनमा १० जनाको मृत्यु भएको छ भने एकजना बेपत्ता भएका छन्।

आइतबार तमानखोला गाउँपालिकामा चारजनाको मृत्यु भएको छ भने एकजना बेपत्ता भएका छन्। निसीखोला गाउँपालिकामा पाँचजनाको ज्यान गएको छ। शनिबार ताराखोला गाउँपालिकामा पनि एकजनाको मृत्यु भएको थियो।

प्रभावित क्षेत्रमा पहिरोले घरहरू बगाएको र पुरिएको प्रहरीले जनाएको छ। उद्धार तथा राहतका लागि नेपाली सेनाको हेलिकोप्टरसहित सुरक्षा टोली परिचालन गरिएको छ।