पर्वतको जलजला गाउँपालिका–८ फर्सेमा कालीगण्डकी नदीको बाढी बस्तीमा पसेपछि करिब ८० वटा घर बगेका छन्। शनिबार रातिदेखि बाढी बस्तीमा पस्न थालेपछि स्थानीयवासी सुरक्षित स्थानतर्फ सरेका हुन्।
घटनामा मानवीय क्षति भए–नभएकोबारे भने अझै यकिन हुन सकेको छैन। बाढीका कारण अन्य घरहरू पनि उच्च जोखिममा रहेका छन्।
बाढीको जोखिम बढेपछि सशस्त्र प्रहरी र नेपाल प्रहरीको संयुक्त टोलीले स्थानीयवासी तथा उनीहरूका आवश्यक सामान सुरक्षित स्थानमा स्थानान्तरण गरेको जनाएको छ। प्रभावित क्षेत्रमा उद्धार तथा क्षतिको विवरण संकलन गर्ने कार्य जारी रहेको छ।
