पर्वतको जलजला गाउँपालिका–८ फर्सेमा कालीगण्डकी नदीको बहाव बढेर बस्तीमा पस्दा २५ वटा घर बगेका छन्। आइतबार बिहान करिब ८ बजे आएको बाढीले करिब ८० घर रहेको बस्तीमध्ये २५ घर बगाएको हो। अन्य घरहरू पनि उच्च जोखिममा रहेका छन्।
घटनामा मानवीय क्षति भने भएको छैन। स्थानीयवासीलाई समयमै सुरक्षित स्थानमा सारिएकाले ठूलो मानवीय क्षति टरेको जनाइएको छ।
पहिरोका कारण प्रहरी टोली तत्काल घटनास्थल पुग्न नसकेको प्रहरीले जनाएको छ। घटनाको थप विवरण संकलन भइरहेको छ।
