पूर्वप्रधानमन्त्री तथा नेकपाका सह–संयोजक माधवकुमार नेपाल सहित ९३ जनाविरुद्ध दायर भ्रष्टाचार मुद्दाको सुनुवाइ विशेष अदालतमा अन्तिम चरणमा पुगेको छ। मुद्दा विशेष अदालतका अध्यक्ष वासुदेव आचार्य तथा सदस्यहरू हेमन्त रावल र विदुर कोइरालाको इजलासमा सुनुवाइ भइरहेको छ।
पतञ्जलि योगपीठ तथा आयुर्वेद कम्पनी नेपालको जग्गा हिनामिना प्रकरणमा अख्तियार दुरुपयोग अनुसन्धान आयोगले २०८२ जेठ २२ गते मुद्दा दायर गरेको थियो। यस क्रममा तत्कालीन मन्त्रिपरिषद्का केही मन्त्री र अन्य सम्बन्धित व्यक्तिहरूलाई बकपत्रका लागि उपस्थित हुन आदेश दिइएको छ।
अख्तियारले माधव नेपालविरुद्ध १८ करोड ५८ लाख ५० हजार रुपैयाँ बिगो, जरिवाना र सजायको माग गरेको छ। तत्कालीन प्रधानमन्त्रीको हैसियतमा उनले पदको दुरुपयोग गरी पतञ्जलिलाई हदबन्दीभन्दा बढी जग्गा कारोबार गर्न अनुमति दिएको आरोप लगाइएको छ।
यो प्रकरणमा ३१४ रोपनीभन्दा बढी जग्गा गैरकानुनी रूपमा बिक्री तथा हिनामिना भएको दाबी गर्दै कुल ९३ जनाविरुद्ध भ्रष्टाचार मुद्दा चलाइएको छ।
