किर्गिस्तानको राजधानी बिश्केकमा आयोजित शाङ्घाई सहयोग संगठन (एससीओ) शिखर सम्मेलनमा चीनका राष्ट्रपति सी चिनफिङ, रुसी राष्ट्रपति भ्लादिमिर पुटिन र भारतीय प्रधानमन्त्री नरेन्द्र मोदी सहभागी भएका छन्।
सम्मेलनका क्रममा राष्ट्रपति पुटिनले सी चिनफिङ र मोदीसँग छुट्टाछुट्टै भेटवार्ता गरेका छन्। भेटमा व्यापार, आर्थिक सहकार्य, क्षेत्रीय सुरक्षा र आपसी सम्बन्धलाई अझ मजबुत बनाउने विषयमा छलफल भएको बताइएको छ।
रुसले चीनसँगको सहकार्य अझ विस्तार गर्न चाहेको जनाएको छ भने भारतसँगको सम्बन्ध पनि थप बलियो बन्दै गएको पुटिनले बताएका छन्।
सम्मेलनमा इरानसहित अन्य सदस्य राष्ट्रका नेताहरू पनि सहभागी छन्। विश्वमा बढ्दो तनाव र चुनौतीबीच एससीओ सदस्य राष्ट्रहरूले आपसी सहयोग र सहकार्य बढाउने विषयमा जोड दिएका छन्।
