केन्याभरका हजारौँ नर्सहरू उचित तलब, सुरक्षित कार्य वातावरण र आफ्नो पेशाको सम्मानको माग गर्दै हडतालमा उत्रिएका छन्। नर्सहरूका अनुसार वर्षौँदेखि सरकारसँग भएका वार्ताहरू निष्कर्षविहीन बनेपछि आफ्ना अधिकारका लागि आन्दोलन गर्नु बाध्यता बनेको हो।
हडतालमा सहभागी नर्स शिरु किहाराले स्वास्थ्य क्षेत्रको मेरुदण्ड मानिने नर्सहरू लामो समयदेखि कम तलब, कर्मचारी अभाव र अत्यधिक कार्यभारको समस्याबाट पीडित रहेको बताएकी छन्। उनका अनुसार अस्पतालहरूमा नर्सहरूको सङ्ख्या पर्याप्त नहुँदा बिरामीको चाप बढिरहेको छ भने सेवा प्रवाहमा समेत असर परेको छ।
किहाराले नर्सहरूको योगदानलाई राज्यले उचित रूपमा मूल्याङ्कन नगरेको गुनासो गर्दै सम्मानजनक पारिश्रमिक र पेशागत मान्यता दिनुपर्ने माग गरिन्। उनले भनिन्, “अब धेरै भयो। हाम्रो आवाज सुनिनुपर्छ र नर्सहरूको योगदानको उचित कदर हुनुपर्छ।”
आन्दोलनरत नर्सहरूले तलब वृद्धि, राम्रो कार्य अवस्था, पर्याप्त स्वास्थ्य सामग्री तथा उपकरणको उपलब्धता र नर्सिङ पेशाप्रति सम्मानजनक व्यवहार सुनिश्चित गर्न सरकारसँग माग गरेका छन्। उनीहरूका अनुसार पटक-पटक गरिएका वार्ता र प्रतिबद्धताले समस्या समाधान नगरेकाले हडतालमार्फत दबाब सिर्जना गर्न बाध्य भएका हुन्।
-Aljazeera
https://www.aljazeera.com/video/newsfeed/2026/8/25/enough-is-enough-kenya-nurses-strike-over-pay-and-working-conditions
