अमेरिकाले करिब पाँच दशकपछि सिरियालाई “आतंकवाद प्रायोजक राष्ट्र”को सूचीबाट हटाएको छ। अमेरिकी विदेशमन्त्री मार्को रुबियोले सिरियाली राष्ट्रपति अहमद अल-शाराले अन्तर्राष्ट्रिय आतंकवादबाट टाढा रहने प्रतिबद्धता जनाएकाले यो निर्णय गरिएको बताएका छन्।
सिरियाली राष्ट्रपति अल-शाराले यसलाई “ऐतिहासिक निर्णय” भन्दै देशको पुनर्निर्माण, आर्थिक विकास र अन्तर्राष्ट्रिय सम्बन्ध विस्तारमा ठूलो सहयोग पुग्ने बताएका छन्।
सन् १९७९ देखि उक्त सूचीमा रहेको सिरियामाथि अमेरिकी सहायता, रक्षा कारोबार र वित्तीय कारोबारसम्बन्धी विभिन्न प्रतिबन्ध लाग्दै आएका थिए। नयाँ निर्णयसँगै सिरियामा विदेशी लगानी, आर्थिक सहयोग र अन्तर्राष्ट्रिय वित्तीय प्रणालीमा पहुँच बढ्ने अपेक्षा गरिएको छ।
अमेरिकाले यस कदमलाई सिरियालाई इरान र रुसको प्रभावबाट टाढा ल्याउने रणनीतिक प्रयासका रूपमा पनि हेरिएको छ। सिरिया सरकारले यस निर्णयले देशको आर्थिक पुनरुत्थान र क्षेत्रीय स्थिरतालाई बल पुग्ने विश्वास व्यक्त गरेको छ।
