पश्चिम अफ्रिकी देश गिनीको राजधानी कोनाक्रीस्थित सबैभन्दा ठूलो फोहोर व्यवस्थापन स्थल (ल्याण्डफिल) पहिरो जाँदा कम्तीमा ३० जनाको मृत्यु भएको छ। भारी वर्षापछि आइतबार बिहान फोहोरको थुप्रो खस्दा नजिकका बस्ती पुरिएका हुन्।
घटनामा ६ जना गम्भीर घाइते भएका छन् भने उद्धार टोलीले अझै बेपत्ता व्यक्तिहरूको खोजी जारी राखेको छ। सरकारका अनुसार घाइतेहरूको उपचार र प्रभावित परिवारलाई सहयोगको व्यवस्था गरिएको छ।
स्थानीय अधिकारीहरूले मृतकको संख्या अझ बढ्न सक्ने बताएका छन्। दुर्घटना भएको फोहोर थुप्रो क्षेत्र आइतबारदेखि बन्द गर्ने योजना रहे पनि त्यसअघि नै यो दुःखद घटना भएको हो।
