अमेरिकाले इरानसँग जारी सैन्य तनावका बीच मध्यपूर्वमा तैनाथ ‘युएसएस अब्राहम लिंकन’ को स्थानमा ‘युएसएस जर्ज वासिङ्टन’ पठाउने तयारी गरेको छ।
२०० दिनभन्दा बढी समय समुद्रमा तैनाथ रहँदा अब्राहम लिंकनमा रहेका करिब ५ हजार नौसैनिक तथा मरिन्समा थकान, मानसिक तनाव र डिप्रेसनका समस्या देखिएको भन्दै परिवार र सांसदहरूले चिन्ता व्यक्त गरेका छन्।
अमेरिकी अधिकारीहरूका अनुसार परमाणु ऊर्जाबाट सञ्चालित युएसएस जर्ज वासिङ्टन हिन्द महासागर हुँदै मध्यपूर्व पुगेर होर्मुज जलमार्ग आसपास अमेरिकी सैन्य उपस्थितिको जिम्मेवारी सम्हाल्नेछ।
यद्यपि, पेन्टागनले यो परिवर्तन नियमित रोटेसन प्रक्रियाको हिस्सा भएको जनाएको छ भने जहाजमा आत्महत्याको जोखिम बढेको भन्ने दाबीलाई अस्वीकार गरेको छ। तर युद्धका कारण आपूर्ति तथा रसद व्यवस्थापनमा केही कठिनाइ भएको स्वीकार गरेको छ।
