पश्चिमी कोलम्बियामा आएको ७.४ म्याग्निच्युडको शक्तिशाली भूकम्पमा मृत्यु हुनेको संख्या २५० भन्दा बढी पुगेको छ। १,३०० भन्दा बढी घाइते भएका छन् भने हजारौं मानिस अझै बेपत्ता रहेको आशंका गरिएको छ। स्थानीय अधिकारीहरूले भग्नावशेष हटाउने काम जारी रहेकाले मृतकको संख्या अझ बढ्न सक्ने बताएका छन्।
गत अगस्ट १० मा आएको भूकम्पको केन्द्रबिन्दु चोको (Chocó) क्षेत्रको सान होसे डेल पाल्मार नजिक रहेको थियो। भूकम्पले घर, भवन, सडक तथा अन्य पूर्वाधारमा व्यापक क्षति पुर्याएको छ।
काली (Cali) सहर सबैभन्दा बढी प्रभावित भएको छ, जहाँ दर्जनौं भवन भत्किएका छन् र ठूलो जनधनको क्षति भएको छ। परेरा, क्विब्डो र मानिजालेस सहरहरूमा पनि मानवीय तथा भौतिक क्षति भएको छ।
कोलम्बिया सरकारले राष्ट्रिय विपद् घोषणा गर्दै उद्धार, राहत र पुनर्स्थापना कार्यलाई तीव्र बनाएको छ।
