युक्रेन र रुसबीच आक्रमणको श्रृंखला जारी रहँदा रुसको बेल्गोरोड क्षेत्रमा युक्रेनी ड्रोन आक्रमणबाट कम्तीमा ६ जनाको मृत्यु भएको छ भने दर्जनौँ घाइते भएका छन्। आक्रमणका कारण आवासीय भवनहरूमा आगलागी हुनुका साथै धेरै घर तथा व्यावसायिक संरचनामा क्षति पुगेको छ।
यता रुसले युक्रेनका प्रमुख सहरहरूमा मिसाइल र ड्रोन हमला गरेको छ। खार्किभमा एक आवासीय भवनमा भएको आक्रमणमा २ जनाको मृत्यु र १३ जना घाइते भएका छन् भने ओडेसामा ८ जना घाइते भएका छन्।
यसैबीच, युक्रेनले रुसका तेल प्रशोधन केन्द्रहरू र ऊर्जा पूर्वाधारलाई लक्षित गरी ड्रोन आक्रमण जारी राखेको जनाएको छ। रुसले भने एकै रातमा १५० भन्दा बढी युक्रेनी ड्रोन खसालेको दाबी गरेको छ।
पूर्वी युक्रेनको डोनेत्स्क क्षेत्रमा रहेका दुई गाउँ आफ्नो नियन्त्रणमा आएको रुसले दाबी गरे पनि युक्रेनले त्यसको पुष्टि गरेको छैन। युद्धका कारण दुवै पक्षले अग्रपंक्तिभन्दा टाढाका रणनीतिक पूर्वाधारहरूलाई समेत निशाना बनाउन थालेका छन्।
https://anewz.tv/world/world-news/23127/ukraine-russia-exchange-overnight-drone-and-missile-strikes/news
