चीनको पूर्वी क्षेत्रमा आएको शक्तिशाली ‘टाइफुन डल्फिन’ का कारण सांघाईसहित विभिन्न क्षेत्रमा १० लाखभन्दा बढी मानिसलाई सुरक्षित स्थानमा सारिएको छ। आँधीले भारी वर्षा, बाढी र पहिरोको जोखिम बढाएको छ भने सांघाईमा मात्र करिब १,००० उडान रद्द भएका छन्।
झेजियाङ प्रान्तमा प्रतिघण्टा १५० किलोमिटर वेगको हावासहित आँधी आइतबार साँझ तटमा पुगेको थियो। वान्झोउ क्षेत्रमा ९ लाख र ताइझोउमा करिब ३.९ लाख मानिसलाई स्थानान्तरण गरिएको छ।
आँधीका कारण चीनका प्रमुख पर्यटकीय स्थलहरू बन्द गरिएका छन् र यातायात सेवामा व्यापक अवरोध आएको छ। फिलिपिन्समा यसै आँधीसँग सम्बन्धित वर्षाका कारण ८ जनाको मृत्यु भएको छ भने हजारौँ मानिस राहत केन्द्रमा आश्रित छन्। जापानको ओकिनावामा पनि केही मानिस घाइते भएका छन्।
