सन् २०२६ को बहुप्रतीक्षित पूर्ण सूर्यग्रहण यहि अगस्ट १२ मा हुने भए पनि एशियाका अधिकांश देशबाट भने यसको पूर्ण दृश्य अवलोकन गर्न नपाइने भएको छ। ग्रहणको पूर्ण छायाँपथ उत्तरी रूस, ग्रीनल्यान्ड, आइसल्यान्ड र स्पेन हुँदै जानेछ।
खगोलविद्हरूका अनुसार एशियामा केवल रूसको उत्तरी भूभागका केही क्षेत्रबाट मात्र पूर्ण सूर्यग्रहण देखिने सम्भावना छ। अन्य अधिकांश एशियाली देशहरू, जस्तै नेपाल, भारत, चीन, बङ्गलादेश र दक्षिणपूर्वी एशियामा भने यो ग्रहण प्रत्यक्ष रूपमा पूर्ण रूपमा देखिने छैन।
नासाका अनुसार ग्रहणको मुख्य आकर्षण युरोप र आर्कटिक क्षेत्र रहनेछ, जहाँ केही समयका लागि दिनमै अन्धकार छाउनेछ। यो सन् १९९९ यता युरोपमा देखिन लागेको पहिलो पूर्ण सूर्यग्रहण भएकाले खगोलप्रेमीहरूमा विशेष उत्साह देखिएको छ।
