फिलिपिन्समा दक्षिणपश्चिमी मनसुन र उष्णकटिबन्धीय चक्रवातको प्रभावका कारण ३ लाख ८० हजारभन्दा बढी नागरिक प्रभावित भएका छन्। सरकारी सञ्चारमाध्यमका अनुसार १ लाख १० हजारभन्दा बढी परिवार प्रभावित भएका छन्।
प्राकृतिक विपद्का कारण हालसम्म ६ जनाको मृत्यु भएको छ भने ७ जना घाइते भएका छन्। भारी वर्षापछि आएको पहिरो, ढुंगाखस्ने घटना, डुबान तथा विद्युतीय करेन्ट लागेर मृत्यु भएको बताइएको छ।
विपद्ले १४८ वटा घरमा क्षति पुर्याएको छ, जसमध्ये १० वटा पूर्ण रूपमा नष्ट भएका छन्। प्रभावितहरूका लागि ८६ वटा उद्धार तथा आश्रय केन्द्र सञ्चालनमा ल्याइएको छ, जहाँ हजारौं विस्थापित नागरिकलाई राखिएको छ।
