स्पेनले उपाधि जितेसँगै फिफा विश्वकप २०२६ औपचारिक रूपमा सम्पन्न भएको छ। तीन आयोजक राष्ट्रमा आयोजित प्रतियोगितामा ४८ टोली, १०४ खेल र ३०८ गोल दर्ता हुँदै विश्वकप इतिहासकै सबैभन्दा ठूलो संस्करण बनेको छ।
फ्रान्सका केलियन एमबाप्पेले १० गोलसहित दोस्रो पटक गोल्डेन बुट जिते भने विश्वकप इतिहासमा सर्वाधिक २२ गोल गर्ने खेलाडी बने। अर्जेन्टिनाका लियोनेल मेस्सीले ८ गोल गरेका थिए। इंग्ल्यान्डका जुड बेलिङ्घमले ७ गोल गर्दै एकै विश्वकपमा सात गोल गर्ने पहिलो इङ्ग्लिस खेलाडीको कीर्तिमान बनाए।
असिस्टतर्फ इंग्ल्यान्डका माइकल ओलिस ७ असिस्टसहित शीर्ष स्थानमा रहे। टोलीगत रूपमा फ्रान्स र इंग्ल्यान्डले समान २० गोल गर्दै सर्वाधिक गोल गर्ने टोली बने।
गोलकिपरतर्फ स्पेनका उनाई सिमोनले गोल्डेन ग्लोभ जित्दा पाराग्वेका ओर्लान्डो गिलले सर्वाधिक २८ बचाउ गरेका थिए। स्पेनले प्रतियोगितामा सर्वाधिक ७ क्लिन सिट राख्यो।
अनुशासनतर्फ अर्जेन्टिनाले सर्वाधिक १५ पहेँलो कार्ड पायो भने कतार र दक्षिण अफ्रिकाले समान दुई–दुई रातो कार्ड पाए। नयाँ कीर्तिमान, रोमाञ्चक प्रतिस्पर्धा र उत्कृष्ट व्यक्तिगत प्रदर्शनका साथ विश्वकप २०२६ ले विश्व फुटबलमा नयाँ अध्याय थपेको छ।
