अमेरिका र इरानबीच एक हप्ता भन्दा बढि समयदेखि ड्रोन तथा मिसाइल आक्रमण प्रत्याक्रमण भएका छन्, जसले दुवै देशबीचको द्वन्द्वलाई थप तीव्र बनाएको छ। इरानले अमेरिकाले विमानस्थल, रेल स्टेशन र पुलहरूजस्ता नागरिक पूर्वाधारमा आक्रमण गरेको आरोप लगाएको छ। इरानी सरकारी सञ्चारमाध्यमका अनुसार यी आक्रमणमा कम्तीमा ८ जनाको मृत्यु र २० जना घाइते भएका छन्।
यो युद्ध फेब्रुअरी २८ मा सुरु भएको थियो । बिचमा युद्दविराम मार्फत वार्ताको विभिन्न चरणमा पुगेका यि दुइ राष्ट्र पुन होर्मुज जलघाँटीमा भएका साना तिना घटनालाइ बढाएर पुनः युद्धको अबस्थामा फर्किएका छन् । त्यसपछि इरानले होर्मुज जलसन्धिमा आफ्नो नियन्त्रण बलियो बनाउँदै अमेरिकी सैन्य अड्डाहरू लक्षित आक्रमण गरेको जनाएको छ। इरानी रिभोलुसनरी गार्ड्सले अमेरिकाले आफ्ना तटीय क्षेत्रहरूमा सञ्चालन गरिरहेको अभियान नरोकेसम्म इरानका लक्षित आक्रमण जारी रहने बताएको छ।
ऊर्जा पूर्वाधारमा अमेरिकी आक्रमण भएको दाबी गर्दै इरानको ऊर्जा मन्त्रालयले नागरिकहरूलाई बिजुलीको प्रयोग घटाउन र अत्यधिक तापक्रमका बीच एयर कन्डिसनर कम प्रयोग गर्न आग्रह गरेको छ।
सरसर्ती हेर्दा होर्मुज केन्द्रमा राखेर संघर्ष पुनः चर्किएको छ। इरानको स्वास्थ्य मन्त्रालयका अनुसार लडाइँ पुनः सुरु भएयता कम्तीमा ३८ जनाको मृत्यु र ४०० भन्दा बढी घाइते भएका छन्। यो जलसन्धि विश्व तेल तथा ग्यास व्यापारका लागि अत्यन्त महत्वपूर्ण मार्ग मानिन्छ।
यसबीच, चीन र पाकिस्तानका विदेश मन्त्रीहरूले अमेरिका र इरानलाई युद्ध रोक्न र वार्ता पुनः सुरु गर्न आह्वान गरेका छन्। अमेरिकाले इरानका बन्दरगाहहरूमाथिको नाकाबन्दी पुनः लागू गरेको पनि रिपोर्टमा उल्लेख छ। साथै, ओमानको तट नजिक एक तेल ट्यांकरमाथि प्रहार भएको जानकारी बेलायतको समुद्री व्यापार निगरानी निकायले दिएको छ।
