जर्मनीमा हेरचाह केन्द्रमा संदिग्घ व्यक्तिले गोली चलाउँदा ६ जनाको मृत्यु

जर्मनीको उत्तरी शहर स्टाडेमा रहेको हेरचाह केन्द्रमा सोमबार भएको गोलीकाण्डमा कम्तीमा ६ जनाको मृत्यु भएको छ भने केही घाइते भएका छन्। सबै मृतकहरू हेरचाह केन्द्रका कर्मचारी (४ महिला र २ पुरुष) रहेका छन्।
प्रहरीका अनुसार घटनामा संलग्न मुख्य संदिग्ध ४५ वर्षीय जर्मन नागरिक (टर्की मूलका) हुन्, जसलाई अर्को एक व्यक्तिसहित पक्राउ गरिएको छ। घटनापछि उनी भाग्ने क्रममा पक्राउ परेका थिए र अन्य कुनै आरोपित फरार छैनन्।
प्रारम्भिक अनुसन्धानले यो घटना “पारिवारिक विवाद”सँग सम्बन्धित भएको देखाएको छ। विशेष गरी बच्चाको अभिभावकत्वको विषयमा विवाद यसको प्रमुख कारण मानिएको छ।
गोलीकाण्डका बेला संदिग्धकी ३ महिनाकी छोरी र आमासमेत त्यहीँ रहेका भए पनि उनीहरू सुरक्षित रहेका छन्।
अधिकारिहरूले यस घटनामा कुनै राजनीतिक वा आर्थिक उद्देश्य नभएको बताएका छन् र यसलाई अत्यन्त क्रूर पारिवारिक हिंसाको घटनाको रूपमा व्याख्या गरेका छन्।

https://www.dw.com/en/germany-at-least-6-killed-in-shooting-in-stade/a-77754951