तितोपाटी-जेनजी आन्दोलनका क्रममा कास्की कारागारबाट फरार अभियुक्त पक्राउ परेका छन् । पाल्पा स्थित माथागढी गाउँपालिका–३, का ४३ वर्षका केशव कुमाल पक्राउ परेको जिल्ला प्रहरी कार्यालय पाल्पाले जनाएको छ ।
गत भदौँ २३ र २४ गते भएको जेनजी आन्दोलनका क्रममा कास्की कारागारबाट भागेर फरार रहेका कुमाललाई आइतबार बिहान उनकै घरबाट नियन्त्रणमा लिएको हो । कुमाललाई कैद भुक्तानका लागि सम्बन्धित निकायमा पठाउने तयारी गरिएको पाल्पाका प्रहरी नायव उपरीक्षक होमप्रकाश चौधरीले जानकारी दिनुभयो । यसअघि नवलपरासी कारागारबाट जबर्जस्ती करणी मुद्दामा कैद भुक्तान गरिरहेका एक युवालाई पाल्पा प्रहरीले पक्राउ गरेको थियो ।
