राष्ट्रिय लोक सञ्चारकर्मी नेपालले ३ वटा गीतमा प्रतिवन्ध लगाउन माग गर्दै नेपाल प्रहरीको साइबर ब्यूरोमा उजुरी दिएको छ । नेपालको मौलिकता र समाजिक मूल्य मान्यतालाई ति गीतहरुले हानी गरेको भन्दै उजुरी गरिएको छ ।जस अनुशार चर्चित लोक गायक गायिका रामजी खाँड र शान्तीश्री परियारको स्वरमा रहेको ‘लुकी लुकी’, सँगै धुर्व पुन र चन्द्र कुमारी शाहीको स्वरमा रहेको ‘गाइ कालो’ र राजकुमार वली, अस्मिता थापा र लक्ष्मी थापाको स्वरमा रहेको ‘सल्ला दमार’ भन्ने गीतहरुलाई प्रतिबन्ध लगाउन माग गरिएको छ उजुरीमा यी गीतहरुमा प्रयोग गरिएको भाषा हाउभाउ, भाव र सन्देशले सामाजिक मर्यादाको उल्लंघन गरेको जनाइएको छ ।
सोही उजुरीमा सामाजिक सद्भाव भड्काउने हाउभाउ देखाएको भन्दै तेजेन्द्र परियार, रितु बस्नेत र निकिशा श्रेष्ठ बिरुद्ध कानूनी कारवाहीको माग गरिएको छ । रामजी खाँड र शान्तीश्री परियारको स्वरमा रहेको ‘लुकी लुकी” प्रतिबन्ध लागेपछि गायक खाँडले उजुरी दिनु अघि एकपटक पनि छलफल नगरेकोमा गुनासो गरेका छन ।
उता राष्ट्रिय लोक तथा दोहोरीगीत प्रतिष्ठानले ‘समाजमा अपाच्य हुने’ ५ गीतलाई कानूनी कार्वाहीको माग गर्दै नेपाल प्रहरीको साइबर ब्युरोमा उजुरी दिएको छ । प्रतिष्ठानकी अध्यक्ष रीता थापामगरसहित पदाधिकारी र संगीत रोयल्टी संकलन समाजका अध्यक्ष सुरेश अधिकारी साइबरब्युरो पुगेर उजुरी दिएका हुन् ।
राष्ट्रिय लोक सञ्चारकर्मी नेपालले ३ वटा गीतमा प्रतिवन्ध लगाउन दिएको उजुरी हेर्नुहोस
