इन्डियन प्रिमियर लिग(अाइपीएल) एक हप्ताका लागि स्थगित भएको छ । भारत-पाकिस्तान युद्दका कारण अाइपीएल रोकिएको हो ।
भारतीय क्रिकेट कन्ट्रोल बोर्ड (बीसीसीअाइ)ले तत्काल १ हप्ताका लागि खेल स्थगित गर्ने निर्णय गरेपछि शुक्रबार अाइपीएलको वेवसाइटमा एक हप्ताका लागि खेलहरू स्थगित गरिएको जनाइएको थियो ।
आईपीएलको १८औँ संस्करणमा हालसम्म ५८ खेल खेलिसकिएको छ । बीसीसीआईले सरकार र आईपीएलमा सहभागी सबै टोलीसँग सल्लाह गरेर यस्तो निर्णय लिइएको जनाएको छ ।
