Tuesday 28th October 2025

किराती समुदायको महान चाडको अवसरमा कुवेतमा सांस्कृतिक कार्यक्रम आयोजना


“भाषा, धर्म, सरकार, संस्कृतिको संरक्षण, किरातीहरूको साझा अभियान” भन्ने मूल नारासहित किराती समुदायको महान चाड यक्वा तङनाम, साकेला उभौली, तथा सालिवा श्याँदर पिदारको अवसरमा कुवेतको मङ्गाफस्थित DLIGHTS HALL मा एक भव्य सांस्कृतिक कार्यक्रम २०२५ आयोजना हुने भएको छ।

२०८१ साल बैशाख १९ गते, शनिबार दिउँसो १ बजे सुरु हुने उक्त कार्यक्रममा नेपालबाट आमन्त्रित लोकप्रिय गायक महेश कुमार सुनुवारको विशेष प्रस्तुति रहनेछ। साथै, शुभकामना आदान–प्रदान, किराती परम्परागत नृत्य, भेषभूषा प्रदर्शन, तथा विविध सांस्कृतिक प्रस्तुति समावेश गरिने कार्यक्रम आयोजकहरूले जनाएका छन्।

उक्त कार्यक्रम किरात याक्थुङ चुम्लुङ, किरात राई यायोक्खा, र सुनुवार सेवा समाज, कुवेतको संयुक्त आयोजनामा सम्पन्न हुँदैछ।

कार्यक्रमको उद्देश्य किराती भाषाहरू, धर्म, परम्परा, र संस्कृतिको संरक्षण तथा प्रचार–प्रसार गर्नु रहेको छ। कुवेतमा रहेका सम्पूर्ण किराती तथा गैर–किराती नेपाली समुदायका दाजुभाइ–दिदीबहिनीहरूलाई कार्यक्रममा उपस्थित भई आफ्नो मौलिक संस्कृतिको संरक्षणमा सहकार्य गर्न आयोजक समितिले हार्दिक निमन्त्रणा गरेको छ।


सम्बन्धित शीर्षकहरु

पाकिस्तानी मिडियाका अनुसार इस्लामाबादले आतंकवाद विरोधी प्रयासहरूमा सहयोग सहित प्रमुख सुरक्षा मुद्दाहरूमा तालिबानले "अतार्किक र अलग" अडान लिएको आरोप लगाएपछि…

छठ पूजाका लागि जिल्लाको भद्रपुर, कनकाई, मेचीनगर, दमक क्षेत्रका दर्जनौँ नदीका घाट सजाउने कार्य भएको छ । छठका बर्तालुहरूले सजाइएका…

तितोपाटी- रुकुम पश्चिमको बाँफिकोट गाउँपालिका र आठबिसकोट नगरपालिकाको सिमानामा पर्ने झारमारेमा यात्रुबाहक जिप दुर्घटना हुँदा ७ जनाको मृत्यु भएको छ…

प्रतिकृयाहरू
...