सहकारी ठगीको आरोपमा संसदिय छानविन समितीले महिनौ दिनसम्म अर्जुन दृष्टि लगाएर छानविन गर्दा पनि रबि लामिछानेको संलघनता कतै कही भेटेन तर पनि आज उनलाई सरकारले पक्राउ गरर्यो । अरबौ अरब को ठगी गर्नेहरु सत्ताधारी दलहरुमा संरक्षित र सुरक्षित तर विना प्रमाण असम्बन्धित अभियोग लगउदै राजनितीक दुरासय बोकेर रबिलाई कानूनका छिद्रबाट पक्राउ गर्नु सरकारको निकम्मापन मात्र होईन सर्वथा देश र जनताको अपमान पनि हो । यो प्रकारको अराजक शासन शैलीले देशलाई कहाँ पुरयाउने हो चिन्ताको विषय बनेको छ ।
जनताको कर खाएर, भ्रष्टचारमा लिप्त नेताहरु सत्तामा पुगे पछि जेल जान पर्ने रवि लामिछाने जस्ता ले हो । जसले देश र जनताका लागि केही गरौ भनेर राजनितीमा आएका छन ।
कांग्रेस र एमाले को जय भन्नेहरुलाई त यो देश स्वर्ग छ । जे गरे पनि छुट हुन्छ । त्यस्ता अपराधीहरुलाई नै पुरस्कृत गरिन्छ । तिनलाई समात्नु हुदैन, छानविन गर्न पर्दैन । सहकारी पिडितहरुको अरबौ रकम स्वाहा पार्नेहरु कोही सत्तामा छन, कोही बाहिर छन । मिन बहादुरहरुले करोडौ को जग्गा दान दिएर चोखिन सक्छन, विनोद र विष्णुहरुले लुटेको धन फिर्ता गर्दा जोगिन सक्छन, धनराजहरु खुल्लम खुल्ला चुनौती दिदै हिडछन तर रबि लामिछाने जस्ता युवाहरुले जेल जान पर्दछ । देउवाको आर्शिवाद लिएर जे पनि गर्दा हुन्छ, एमाले का सहकारी ठगहरुले ओलीको दवदवा रहे सम्म कतै बयान दिन पर्दैन ।
रबि लाई जेल हाले पछि सहकारी समस्या समाधान भई हाल्ने जस्तो देखियो अब भने यो देशका सहकारी पिडीतहरुले पैसा फिर्ता पाउने भए भने जसरी सम्पूर्ण राज्यसत्ता लागेको छ । तिनलाई नै समर्थन गरेर बस्ने सहकारी पिडितहरुले अब खसी काटे खाए हुन्न ? सम्भवत ८७ अरब नै रवि को नाममा लगाउन मिले त्यसो गरौ की ? उनलाई सहकारी ठग भनेर ईतिहास कोर्न लगाउने पो हो की ?
अराजकताको पनि एउटा सिमा हुन्छ नी । आरजुलाई पक्रन खोज्ने रबि लाई किन छाडने ? कैलाश सिरोहीया लाई नचिन्ने रबि लाई किन नफसाउने ? नेपालकै अरबपति को परिवारका सदस्यलाई पक्राउ गर्ने हिम्मत गर्ने सत्ताको पावर आफ्नो हातमा आएका बेला किन बदला नलिने ? सक्कली नेपालीलाई नक्कली भूटानी शरणार्थी बनाउनेहरुको फायल खोल्दा खोल्दै बन्द गर्ने नारायणकाजी भन्दा ठुलो हिम्मत गर्ने त्यो रबि को हो ? हिजो सत्ता जोगाउन प्रचण्डले नारायण काजीको हात बाधे आज गगन र आरुजु जोगाउन ओलीले रबि लाई समाते । ओली र प्रचण्डमा कुनै फरक छैन । देउवा र ओली मा पनि फरक छैन । यीनका पार्टीहरु पनि उस्तै छन, नाम मात्र फरक हो । रबिले उनीहरु भन्दा फरक हुने हिम्मत देखाउन हुन्छ ?
रबि लाई त्यसै छाडन हुदैन भन्ने कयौ तस्करहरुको मागलाई बेवास्था गर्न ओली ले सक्ने अवस्था थिएन र छैन पनि । उनको लागि पनि सत्ता सबै कुरा हो । उनको गर्दन माथि पनि धेरै तरबारहरु झुण्डिरहेका छन । तीनै दल ले मिलिमिली देशमा गरेको ब्रमालुट को हिसावकिताब गर्न अर्को कोही आउन हुन्न भन्नेमा यी सधै एकै ठाउँमा छन । देश र जनतासँग यीनलाई कुनै मतलब छैन ।
संसदमा प्रमाण नै प्रमाण बोकेर बसेका गगन थापाको राजनिती बचाउन का लागि रबि लाई नथुनि हुदैनथ्यो । राजनिती छाड्न पर्ने उनको विजोग हुन लागेको अवस्थाबाट उन्मुक्ति पाउन, उनको लाज ढाक्न रबि लाई जेल हालेर भ्रम छर्न परेको थियो । यतिबेला गगनहरुलाई बल्ल दशै आएको होला । यी सवै कुरा पत्याई दिएर अब आउने निर्वाचनमा जनताले यीनै तीन दल लाई मत हाल्नु पर्ने होला । संसदिय छानविन समितीसँग प्रमाण नभए पनि गगन थापाले लुकाएर राखेको कान्तीपुरका समाचारहरु ओली बा को सरकारका प्रमाणहरु होलान । दुई महिना लगाएर खोज्दा संसदिय समितीले नभेटेको प्रमाण अब गगन थापाले दिने भएर रबि लाई थुनिएको हो भने पक्राउ गर्ने ओली सरकार र गगन थापालाई बधाई ।
रबि ले जेल बस्नै पर्दथ्यो अब ढुक्क भयो । नेपाली राजनितीमा जेल बस्नु योग्यताको सर्टिफिकेट हो भन्ने भास्य छ जुन कुरा रबिले पुरा गर्दैछन । अरुले मान्छे मारेर जेल बसेर राजनितीमा उदाएका हुन, रबिले जेल नबसी राजनितीमा आउने दुस्साहस गरेकाले आज उनलाई यस्ता आरोपहरु आईलागेका हुन । त्यसमा पनि पहिलो पल्टमा नै यति पपुलर हुनु कस्ले भनेको थियो उनलाई ? जनताले रास्वपा माथि भरोसा गर्न हुन्छ ? कांग्रेस, एमाले वा माओवादीलाई छाडेर रास्वपा लाई भोट हाल्ने जनतालाई थर्काउने यो भन्दा उत्तम विधी अरु के होलार ? त्यसमा पनि चितवनका जनताले बाठो भएर पटक पटक रबि लाई जिताउन पाईन्छ ? अब त सहकारी ठग लाई किन जिताको भनेर प्रचार गर्न पाईने भयो नी । यस्तो पनि गर्ने हो ? खबरदार जनता हो, हामी हुदा हुदै अर्को नखोज ।
रास्वपा सरकारमा गयो की केही न केही हतियार उठिहाल्छ । दोहरो नागरिकताको कुरा उठयो र पहिलो पटक रबिको मन्त्री पद खुस्कियो । उनको जस्ता दोहरो नागरिता हुने कयौ छन, तिनीहरु देशमा पनि सम्पतीका मालिक छन र विदेशमा पनि घरघडेरी जोडेर बसेका छन । तिनको खोजी गर्न पर्दैन ? अहँ पर्दैन । किनकी त्यो हतियार रबि का लागि मात्र उठने हो । त्यसै गरे त्यसपछि सकियो । त्यस्ता दोहरो राष्ट्रियता बोकेका मानिस सत्ता भित्र हिजो पनि थिए आज पनि छन । मन्त्रालयमा छन, न्यायलयमा छन,सेनामा छन, प्रहरीमा छन, विचौलिया र व्यपारी त कति हो कति ? उनीहरुले जे गरे पनि हुन्छ तिनलाई छानविन गर्न पर्दैन । पक्रन र थुन्न त झनै हुदैन । ती कानूनहरुको प्रयोग त रबि माथि मात्र हुने हो । रबि ले राजनितीमा आउन हुदैनथ्यो भन्ने उनीहरुको दुराशय हो त्यसैले उनको पद खुस्कियो अनि मुद्धा सेलायो । अरु कसैको न खोजविन पर छानविन केही गर्न परेन ।
नेपाल मा भए नभएका अभियोग रबि लाई लगाईन्छन र उनलाई थुन्नका लागि कानून सक्रिय भई दिन्छन । किनकी उनीहरुको लुटको साम्राज्यमा झण्डा गाडन कोशिष गरेर रबि ले गल्ती गरिरहेका छन । आज रबि लाई पक्रनु पुरानै डिजायन अन्र्तगत को कार्य हो । गोकुल बास्कोटाले चितवनका जनतालाई दुई महिना पहिले नै पुन उपचुनाव का लागि तयार हुनु भन्न भ्याएका थिए । त्यो उनको संकेतले प्लान उती नै बेला बनिसकेको थियो भन्ने देखिन्छ । उनीहरु रबिलाई राजनितीबाट किनारा लगाउने अभियानमा सवै एकमत छन । कांग्रेस र एमाले ले संविधान संसोधनका लागि सत्ता गठबन्धन गर्न परेको भन्थे नी । अहिले उनीहरु त्यसैका लागि काम गरिरहेका छन त ? यहाँ सम्म की बाढी पहिरोले जनता विचलित मा परिरहदा समेत उनीहरुलाई रबि बाहेक अरु कुनै कुरा समस्या हुन भन्ने लागेन ।
अब उनीहरुले संगठित अपराध अर्थात फौजदारी कानून लाई जबरजस्ती तानेर ल्याउनेछन र रबि को टाउकोमा हाल्नेछन । उनको विरुद्धमा फैसला गराउनेछन । अदालत ले न्याय दिन्छ भन्ने भ्रममा रबि वा रास्वपा छ भने त्यो भ्रम पाल्न छाडे हुन्छ । फैसला रबि का विरुद्धमा हुनेछ । सवै ठाउँमा लुटाहा र चुसाहा मात्र बसेको देश हो यो । राज्यका सवै संरचनामा उनीहरुको सेटिंग छ । त्यसलाई भत्काउन सजिलो छैन । नेपाल मा श्रीलंका वा बंगलादेशको जस्तो राजनैतिक सुनामी बाहेक अरु कुनै कोशिष ले काम गर्दैन । मुठिठभर दलाल, तस्करहरुको हातमा देशको सत्ता कैद छ । डार्क फायल काण्ड ले यी सवै कर्तुत को चित्रण गरिसकेको छ । यहाँ न्यायलय कति दलदलमा छ भन्ने पनि देखिएको छ ।
सहकारी पिडित, लघुवित्त पिडित र बैकिंग व्याज र स्याजका पिडित लाई बोकेर हिड्ने दुर्गा प्रसाई लाई पनि उनीहरुले छाडेनन । डार्क फायलको टिम लाई छाडेनन, रास्वपा लाई सक्न रबी लाई सक्न पर्छ भन्ने उनीहरुको एक मात्र मिसन छ यी कुराहरु कसलाई थाहा छैनर ? सरकार सँग अरु कुनै मुद्धा छैनन । चुनाव भए २०८४ मा जनताले उनीहरुलाई सवक सिकाउने पक्का छ । यहाँ बालेन र रवि अनि दुर्गा भन्दै जनता बाडिए भने चाही कांग्रेस एमाले को मिसन पुरा हुन सक्छ । यो कुरा पनि बुझ्न जरुरी छ की रवि पछि पालो बालेन कै हो । उनीहरुको मिसन मा बालेन कतै छुटेका छैनन । बालेन ले रबि माथि को अन्यायमा मुख खोल्न पर्दछ नत्र डिभाईड एण्ड रुल को शिकार उनी पनि हुनेछन ।
जे होस, ओली सकारलाई धन्यवाद छ । दमन र षडयन्त्रहरु गर्दै जानुस , पृथ्वी गोलो छ पालो सबैको आउछ ।
-तोयानाथ उपेक्षित,
