तनहुँ सेवा समाज कुवेतले नेपालका मुटु रोगीको उपचारार्थ रू. २२ हजार भन्दा बढिको आर्थिक सहयोग गरेको छ । सो रकम समाजमा आवद्ध सदस्यहरू तथा अन्य सहयोगदाताहरूबाट संकलन गरि पीडितका आफन्त मेघ बहादुर आलेलाइ कुवेती दिनार ५१ केडी ५०० फिल्स हस्तान्तरण गरिएको हो ।
यस अघि तनहुँ जिल्ला भिमाद नगरपालिका वडा न. ९ अस्पाग्दी निवासी फत बहादुर रानाकी श्रीमती भज माया राना करिब ५-६ बर्ष देखि मुटु सम्बन्धि समस्याबाट पीडित भएको र उपचार गर्न आर्थिक अभावको कारण असहज भएको खबर प्राप्त भएपछि समाजको हिँजो ६ सेप्टेम्बर २०२४ का दिन बसेको बैठकले सकेको सहयोग गर्ने निर्णय गर्दै सो रकम संकलन गरि सहयोग पठाइएको हो ।
सामाजिक र मानवीय सेवामा सहयोगी हातहरूमार्फत हातेमालो र सहकार्य गर्ने पुनित उद्देश्य लिएर अघि बढेको तनहुँ सेवा समाज कुवेतले आकस्मिक रूपमा रकम संकलन गरी भज मायाको उपचारार्थ पठाउने निर्णय गरे लगत्तै स्वःस्फुर्त रूपमा सहयोग गर्नुहुने सबैलाइ धन्यवाद दिंदै आगामी दिनमा समेत सबैको साथ सहयोग र समर्थनमा मानवीय सेवाका कार्यहरू गर्दै जाने जनाएको छ ।
